Sogndal-trenaren før møtet med Brann: – Det har vore mykje rot

Mønsterklubben er råka av leiarkaos, kutt på 10 til 15 millionar og sportslege nedturar.

SOGNDAL: Ein klubb som har fått mykje ut av lite. Ein klubb som mot alle odds har vore ein gjengangar i vår øvste fotballdivisjon. Ein mønsterklubb som har bygd opp praktfulle Fosshaugane Campus.

Sogndal Fotball har hausta mange lovord. Høgst fortente lovord. Men klubben, som onsdag er vertskap for Brann i cupen, har dei siste månadene vore prega av leiarkaos og dramatiske kutt.