Politiet har slått til fleire stader på Karmøy.
Foto: Kristian EidesvikKlokka 15.20 gjekk ti til tolv væpna politimenn til aksjon på ein bustad i Kopervik sentrum i Karmøy. Kort tid etter kom dei ut att med person dei har jakta på i heile ettermiddag.
– Nå har me tatt ein person som kom med trugslar mot eit personar på eit advokatkontor i Kopervik, seier aksjonsleiar i politiet, Kim Pedersen, til NRK.no like etter pågripinga.
Skal ha hatt våpen
Meldinga til politiet gjekk på at mannen var væpna, men politiet måtte ikkje nytta våpen under pågripinga.
– Me veit framleis ikkje om han hadde våpen, det blir undersøkt nå, seier Pedersen.
– Kva kan du sei om mannen?
– Han har hatt eit tidlegare klientforhold til advokatkontoret, som han nå har kome med trugslar mot. Det er med bakgrunn i dette han kom med trugslane.
Politiet vil nå oppretta sak og etterforska saka vidare.
Politiet har gått til væpna aksjon fleire stader i Kopervik sentrum. Etter politiet hadde sjekka denne staden ut, forlét dei den.
Foto: Kristian EidesvikSøkte tilflukt i tomt hus
Det var klokka 12.56 politiet fekk inn den første meldinga om trugslane, og politiet aksjonert på fleire adresser i Kopervik sentrum før dei fann mannen.
Politiet opplyser i 15-tida at mannen truleg er lokalisert, men framleis ikkje tatt. Klokka 15.20 kunne NRK sin reporter på staden rapportera om at ti til tolv politimenn gjekk inn i eit bustadhus i sentrumsområdet. Kort tid etter var han tatt.
Tre politibilar og ein legebil stod parkert like ved bustaden.
Bustadhuset mannen søkte tilflukt i er ikkje hans eige får NRK opplyst. Det er eit hus som ligg ute for sal, og som ingen bur i for tida.
