|
|
Storhamar til kvartfinale Storhamars handballkvinner gjorde jobben i Russland og slo Lada Togliatti 30–25 søndag. Det sikra meir europaligaspel i ein utslagsduell mot Viborg.
Gjestene frå Hamar slapp inn det første målet, men det skulle bli det einaste tidspunktet Lada var i leiinga. Storhamar hadde likevel berre eit knapt forsprang inn til kvilen.
I andre omgang gjekk Kenneth Gabrielsens utvalde offensivt ut og skaffa seg ei femmåls luke. Det avgjorde i praksis kampen.
Storhamar enda på seks poeng etter like mange kampar i gruppe C. Det heldt til å bli toar bak suverene Herning-Ikast frå Danmark.
Emilie Hovden blei Storhamars toppscorar med sju mål. Kvartfinalemøtet med Viborg blir spesielt for hennar del. Etter sesongen forlèt ho Storhamar for å bli utanlandsproff i nettopp den danske klubben.
Laga møtes over to kampar 26. mars og 2. april. |
Publisert: 16:05 20-02-2022 Kilde: NRK
Les hele saken hos |
|
|
Artikkelen tilhører kategorien: Artikkelen ble indeksert den 20-02-2022 klokken 17:42. Artikkelens direkte url er: https://www.nrk.no/sport/storhamar-til-kvartfinale-1.15862484 Artikkelen har til nå hatt 233 visninger og 4 klikk.
|
|
|