|
|
Blomberg helten da Brann tok over tabelltopp
Brann fekk ein pangstart på kampen da Svenn Crone sprang innover i HamKam sin 16-meter etter sju minutt og 26 sekund. Eitt sekund seinare låg Crone i bakken da William Kurtovic var litt for hardhendt, og dommar Mathias Støfringshaug strakk fram armen og peika på straffemerket.
Kurtovic var tydeleg ueinig og hadde ein grøn og kvit vegg med Hamarsinger på sitt lag, men straffa vart ståande.
– Ja, eg kjem inn med foten der, men eg føler han fell lett, seier Kurtovic til TV 2 i pausen.
Frå 11-meteren var Joachim Soltvedt bombesikker og Brann tok leiinga 0–1 på Briskeby. Scoringa var venstreback Soltvedt si femte scoring i årets Eliteserie.
– Eg byrjar å kome meg opp på eit bra antal scoringar nå, så det er bra det, seier Soltvedt til TV 2 i pausen.
Andre omgang starta med eit brak da HamKam fekk frispark på hjørnet av 16-meteren. Gard Simenstad har vist fram sin fantastiske dødballfot fleire gonger denne sesongen – det gjorde han også i dag.
For han bøyde ballen over muren og inn i det ledige hjørnet i Brann-målet. Beint fram ei nydeleg scoring.
– Simenstad stiller seg opp på det som i utgangspunktet er ein vanskeleg vinkel, men så lurer han Dyngeland i Brann-målet trill rundt. Svingar den elegant inn i kassen, kommenterte Amankwah.
Så fekk Brann nok ei moglegheit frå straffemerket da Emil Kornvig fekk seg ein kakk på hælen inne i 16-meteren og gjekk i bakken.
Da stilte Joachim Soltvedt seg opp nok ein gong.
Men denne gongen var straffa på mange måtar håplaus, og HamKams målvakt Marcus Sandberg redda forsøket frå Soltvedt.
Men berre minuttet etterpå kom leiarmålet frå Brann. Ein ball spratt litt fram og tilbake inne framfor HamKams mål, og enda til slutt hjå Ole Didrik Blomberg som sparka ballen i mål frå fire-fem meter.
Med sigeren klatrar Brann opp på tabelltopp, tre poeng framfor Bodø/Glimt. Brann har spelt to fleire kampar enn Bodø/Glimt. |
Publisert: 18:01 01-06-2024
Kilde: NRK
Les hele saken hos |
|
|
Artikkelen tilhører kategorien:
Artikkelen ble indeksert den 01-06-2024 klokken 20:12.
Artikkelens direkte url er: https://www.nrk.no/sport/blomberg-helten-da-brann-tok-over-tabelltopp-1.16907834
Artikkelen har til nå hatt 57 visninger og 1 klikk.
|
|
|
