|
|
Har bestemt kven som startar mot Italia – kryptisk i spørsmål om Gaupset
Landslagstrenar Gemma Grainger har bestemt seg for kven som startar for Noreg i kvartfinalen mot Italia, onsdag.
– Vi har gode nyheiter. Alle er klare for kampen. Eg kan dele med dykk at eg har valt laget, sa ho på pressekonferansen dagen før kampen.
Ho ville derimot ikkje seie noko kven ho har valt.
– Med tanke på korleis Signe Gaupset presterte i kampen mot Island. Korleis er dine vurderingar rundt ho?
– Det har vore vanskeleg. Det vil alltid vere vanskeleg. Det er alltid forskjellige ting ein må tenkje på. Ein må sjå på timinga, seier Grainger og held fram:
– Det var ikkje overraskande med Signe for oss. Vi ser Signe trene kvar dag. Vi ser ho i kamp. Det er slik ho er. Konkurransen er svært høg.
Signe Gaupset (20) herja i kampen mot Island og scora to mål.
– Ho må starte. Viss ein ikkje vel ho frå start, ut frå kva ho har levert i meisterskapet her, så byrjar eg å tvile litt på vurderingsevna, seier NRKs fotballekspert Carl-Erik Torp.
Kampen startar kl. 21.00 onsdag og sendast direkte på TV 2 og NRK Sport på radio. |
Publisert: 14:31 15-07-2025
Kilde: NRK
Les hele saken hos |
|
|
Artikkelen tilhører kategorien:
Artikkelen ble indeksert den 15-07-2025 klokken 17:45.
Artikkelens direkte url er: https://www.nrk.no/sport/har-bestemt-kven-som-startar-mot-italia-_-kryptisk-i-sporsmal-om-gaupset-1.17493159
Artikkelen har til nå hatt 3 visninger og 0 klikk.
|
|
|
