|
|
Sørloth med overtidsmål i åttemålsthriller
Semifinalen i den spanske cupen mellom Barcelona og Atlético Madrid vart av det spesielt dramatiske slaget.
Før det var gått seks minutt hadde Julian Alvarez og Antoine Griezmann sendt bortelaget opp i 2–0.
Barcelona slo derimot tilbake og snudde til 3–2 før pause.
Pedri, Pau Cubarsi og Inigo Martinez stod for måla.
Alexander Sørloth kom på bana midt i 2. omgang. Etter kort tid på bana fann han nettmaskene, men scoringa vart annullert for offside.
Like etter, i det 74. minutt, la Robert Lewandowski på til 4–2 for Barcelona.
Vidare reduserte Atlético Madrid til 4–3 ved Marcos Llorente seks minutt før full tid.
Tre minutt på overtid sørga Sørloth for utlikning til 4–4 med sitt trettande mål denne sesongen.
Med det har Atlético Madrid eit bra utgangspunkt før returoppgjeret i semifinalen, som blir spelt i Madrid 2. april.
Real Madrid og Real Sociedad møtest i den andre semifinalen, med første kamp onsdag kveld. |
Publisert: 22:29 25-02-2025
Kilde: NRK
Les hele saken hos |
|
|
Artikkelen tilhører kategorien:
Artikkelen ble indeksert den 25-02-2025 klokken 23:47.
Artikkelens direkte url er: https://www.nrk.no/sport/sorloth-med-overtidsmal-i-attemalsthriller-1.17316062
Artikkelen har til nå hatt 97 visninger og 9 klikk.
|
|
|
