|
|
Nært sensasjonelt comeback av Noreg: – Ein skikkeleg neglbiter
I den femte kampen i OL fekk det norske herrelandslaget i curling det tøft i starten mot USA. Men så tok dei seg kraftig saman.
– Ein skikkeleg neglbiter, no er det sjakk på is, sa kommentator Patrick Rowlands mot slutten av siste omgang.
Det starta på verst tenkeleg vis. Etter tre omgangar leia USA 5–0.
I omgang tre tok Noreg sitt første poeng. Eit håp var tent når det stod 5–3 halvvegs.
I den sjuande omgangen kjem kampens beste slag, då Magnus Ramsfjell med siste stein må slå ut fire gule amerikanske steinar.
Sjå klippe nedst.
– Det er eit youtube-klipp, for ein kunststein, kjem det frå ekspert Svae.
I omgang ni tar Noreg tre viktige poeng og det var uavgjort inn i siste omgang.
Men USA heldt unna trykket frå Noreg og drog i land sigeren 10-8, med to beste steinar på slutten.
– Det er ikkje dårlig dette. Vi skulle gjerne hatt ein siger til. Vi knuser dei taktisk utpå der. Vi viser vi eigentlig er det beste laget, eg berre missa litt i starten, seier skip Magnus Ramsfjell.
Noreg står med tre sigrar og to tap etter dei fem første kampane i Italia. Topp fire gir avansement.
Neste kamp kan du følgje i NRK TV kl. 14.05 måndag. |
Publisert: 20:55 15-02-2026
Kilde: NRK
Les hele saken hos |
|
|
Artikkelen tilhører kategorien:
Artikkelen ble indeksert den 16-02-2026 klokken 04:11.
Artikkelens direkte url er: https://www.nrk.no/sport/naert-sensasjonelt-comeback-av-noreg_-_-ein-skikkeleg-neglbiter-1.17770549
Artikkelen har til nå hatt 6 visninger og 0 klikk.
|
|
|
