|
|
Draumekveld for Sørloth – braut 20 års forbanning
Atletico Madrid vann for første gang på 20 år mot Barcelona på Camp Nou etter 25 kampar utan triumf sidan 2006.
Scoringar av Julian Alvarez og Alexander Sørloth sørga for 2-0-siger og eit solid utgangspunkt før returmøtet i Madrid i neste veke.
– Vi veit at når vi kjem hit er det vanskeleg. I første omgang låg vi lavt og hadde litt flaks etter det raude kortet. Det var viktig for oss. 2-0 gjer det endå betre, seier Sørloth i eit intervju vist på TV 2.
Atletico tok leinga like før pause etter ei nydeleg scoring av Alvarez.
– For eit kunstverk. Det kan ikkje gjerast betre, ropte TV 2-kommentator Jesper Mathisen.
Argentinaren bøygde ballen over muren frå 25 meter og i krysset i den første kvartfinalen i Meisterligaen.
Opptakta til målet kom ikkje utan dramatikk.
Julian Alvarez spelte fram lagkamerat Giuliano Simeone som blei felt som sistemann av Barcelona-forsvarar Pau Cubarsí. Dommaren trakk først opp det gule kortet. Men etter å ha sjekka på VAR-skjermen blei kortet omgjort til raudt.
– Det er eit klart raudt kort, sa Jesper Mathisen på TV 2.
Dermed var heimelaget blitt ti mann. Og på det etterfølgande frisparket kom kalddusjen frå Alvarez sitt høgrebein.
Etter kvarteret i andre omgang blei Alexander Sørloth bytta inn.
Ti minutt seinare fiksa han 2-0 til bortelaget.
Nordmannen var nådelaus i feltet og breisida ballen i nettet på volley med venstrebeinet. Ein nydeleg prestasjon av Noregs landslagsspiss som førte klubbens hans eit stort steg mot semifinale.
– Metteo (Ruggeri) og eg har ein veldig god kjemi. Når innlegget frå han kjem handlar alt om å treffe det lengste hjørnet. Heldigvis klarte eg det, seier Alexander Sørloth. |
Publisert: 20:55 08-04-2026
Kilde: NRK
Les hele saken hos |
|
|
Artikkelen tilhører kategorien:
Artikkelen ble indeksert den 09-04-2026 klokken 01:26.
Artikkelens direkte url er: https://www.nrk.no/sport/draumekveld-for-sorloth-_-braut-20-ars-forbanning-1.17839371
Artikkelen har til nå hatt 3 visninger og 0 klikk.
|
|
|
